I yiman n Jemɛa Joɣlal
d yal Jemɛat n tmurt
Di tallasin tus
Ur wen-d-qareɣ d taziri
Ur wen-d-qareɣ
D tafukt
Tiɛziz ɣef uferrug n tmurt
Maci seg ineglas
D tameṭṭut
Di tallasin tus
Tallest ɣef yimi
D aẓenẓaṛ ay yetteffi
D tallest ay yṛeẓ
D yiri iḥeyyen s tiɣṛi
Tiraw ɣef yil
Tiɣḍay ɣef yiḍ
Tfessi deg imeṭṭi
Di tallasin tus
Tuca ul-nes
U tenna drus
Niɣ d tameṭṭut
Maci d angelus
Angelus ɣeriḍarren-nes
S wafriwen yetrus
Di tallasin tus
Muḥ-Terri Muḥya
