D Vénus a ufiɣ
Di leɛṛaṭ
Ajemmaḍ n webrid
D aksum d uzaw
D uḍar deg ubrid .
La tṛuḥa-ca Venus
D cem d amur wa iliɣ
Ma tellid seg imezdaɣen n ujenna
D neč wa ad irefden tamurt
Ad tali u ad aliɣ
U ma tḥinned fella
Ad d-serfreɣ ṣra
Wa ɣef ad tesejbid
U ad dadreɣ ad yteẓred
U zeng n tafukt ad cem-uɛiɣ
Venus ṛaja ad m-iniɣ
U ad m-ɛawdeɣ tiqṣidin
N izuɣaɣ d timeẓwin wa ad tennid
U ad m-uceɣ d ameɛṛuf
Acehhal-din wa turid
Ṛaja ad m-d-biɣ isefra
Ṛaja Vénus…..ad cem-arjiɣ
Ad ytedred di tiṭṭawin
U ad ten-tessedred
U ul awi-t
Ṛaja ad mteɣ
U ad ɛawdeɣ talalit
S wul d atrar
Ṛaja-d u awi-t
U awi seg leɛmeṛ-inu leɛmeṛ
D tadqiqt
Ad tefser deg tneffut-inu tumla
U ad tenɣ deg surifen-nem tuqqit
D umsekli n tmeddit
Iḍ Venus
D webrid wa tewwid
Ma d itri deg jenna
Ad d-aziɣ tafukt
U ma d amsebrid
Ad m-d-ffiɣ seg mi-inu izenẓaren
Ad ten-teswed ad ṛwiɣ
U ad m-uceɣ leɛwin n wawalen
U ad y-tuɛid awalen d tanemmirt
Ṛaja ad nenɣ tutlayt
U ad s-nig nil
U ad s-nceɛɛel tacemmaɛt n weẓref
U ad s-nɣṛeṣ taɛezrit
U ad bexṛeɣ s yidammen-nes
I wjenna ad iceṛṛeɛ u ad yawi
Niɣ ad y-tawid .
Ṛaja Vénus ad nugir
ad y-tilid d iswi d webrid
Ad y-teẓẓuɣṛed ..u ad y-tlaqqid
Ad y-tilid d lqibelt
U ad y-tilid d tẓallit
Ugir Vénus ad nugir
Tikli ur tikerref wegmir
Tikli ajemmaḍ n imukan
Aɣella n was d yiḍ
Ugir Vénus ugir
La tili d milli
D amessal n weḥdir
U la tili diman iriɛ
Ur ɣer-s agmir
Ugir ad nezdeɣ tiqṣidin
Ad nesseder tutlayt ta nenɣa
Ad neḥweṣ isefra
U ad neḥweṣ taḍṣa d lɛid
Ad neḍṣ ɣef udeča s yimir
U s yimeṭṭawen ad nader i timlilit
Qim Venus ad neqqim
Qim ad neqqim
Ur tkeneɣ ɣer-m
D idmaren-nem ya ad tkenniɣ
Ur saɣayeɣ ifassen-inu
Ɣer ṭabeq-nem
D ifassen-inu ya ad twwid
Id n wul-inu d lɛemṛ-inu
D wa urjiɣ
D yimi-inu seg-wa s-is teswid
Esw Vénus
Sidef-ya ljennet s lɛafift
Esw wa tufid
Temlaliɣ-d jemleɣ
Esw neč swiɣ
Esw Vénus s wa mi ad twwid
Esw wa freɣ ad -diban
S weglim ad m-tiniɣ
D lqibelt taberkant ad lhiɣ
Deg aman ay yetṛajan aman ad iliɣ
Ad kerzeɣ asegna i yil
U ad d-mejreɣ seg jenna
Kupidon d ajdid
Qim Venus ad neqqim
Qim ad neqqim deg deča
U ad ɣen-ktin
U ad ɛawden
Ɣef wa ay yrefden idurar deg fassen
U yuca i ṣṛawat asudin
D ta ad t-yefren deg kin
U tsama-t u teqqim
Qim Vénus ad neqqim.
Muḥ-Terri
