Tmenya mars [asefru]

• 11 mars 2016

Ucin-am as niɣ d azgen

U win-am leɛmeṛ

Nnan d weltmat-neɣ

Si-s nemɛeṛ

Ad s-nberber ndelbawat

Ɣef tfukt ad t-neḥẓeṛ

D weltmat-neɣ swa swa

Ma yesgen lweɛd s yiṣefḍawen

Niɣ ila fella-neɣ ymmermer

U ma tersed telwit

Ad nessemsawa am lqed n wemjer

D maḥyaf yetbeggeṣ zeddu n ujenna

Qqaren imi-nes yejjer

U seg-way yssur wawal n Ṛebbi

S sbayer n usammer

Ayetma-s n teglidin

Axenfuf-nsen ɣer dheṛt yuder

Axenfuf-nsen jar n ḥaca-kum yeffer

Axenfuf-nsen ytternunnis yetkeṛkeṛ

U ucin-am as niɣ d azgen

U win si leɛmeṛ-nem leɛmeṛ.

 Muḥ-terri