TIMANIT [ asefru]

• 23 juillet 2016

Tessuzzurem taḍṣa s imeṭṭawen

Iḍelli neqqen fell-as abliwen

Ma d tiddeṛɣelt a yissen

Bravo! Ula d ulawen nedlen

Ttun tizzuzut, ttun ajenna

Wa ay yirezzun yifi-hen

Bravo! Ula d netta yettu-hen

Tessuzzurem talwit s idammen

Uzzlen, urden tireqcin s yegmiren

Ma d fus yetcat, allen d ilmawen

Ḥlil, ḥlil, matta sɛeddan yergazen

Asegru n wefṣil yebḍa d iḥricen

Ḥlil, ḥlil ɣef tumla n yexxamen

Tameṭṭut d aqendaṣ, ṛẓin-as ifeǧǧajen

Tessuzzurem tidet s iserkisen

Ussan twareqmen s tebrek d isekkilen

Mlalen-d di zmamat d iḍriṣen

Yersa uɣebbaṛ n umezruy d iqenṭaṛen

Ma yetwaṣfeḍ, ulac wa ad t-ifehmen

Ma yetwafhem, ulac wa ad t-iɛeqlen

Buh! Fell-am a tilelli n iṣurdiyyen

Tessuzzurem wa yeḥlan s wa ifuḥen

Nessur-ihen, ma d aman neswi-hen

S terẓeg, s leɛweṣ n tudert nessebleɛ-ihen

Wa ay yennan awal, iwellem s uberkan

S temlel fell-as nzeɣret u nessuref-ihen

Ma d nečni a netraja, nesseɛreq ibriden

Abrid ɣer tfukt yesderɣel ayet bab ibeckiḍen

Netedder, netmetta … d nečni

Tamettant ma teṛẓem tmasext … I nečni

Ɣer-s neggur, nḥebbu … d nečni

Nif taṛeẓẓit, ur nkennu, mayna I kenwi.

yunes Aɣuggali