Iḍa, deg uraji n tceqquft “asli d teslit” i tt-yiraren harbaɛt n umezgun n tbatent, tazeqqa hčur ɣer yimi s yimezrayen i d-yusin seg yiɣiren n wawras.
Asli d teslit d taceqquft i d-yergen f ufus n mass Ɛli Jebbara seg uḍris n Untwan Tcixuf “attar n wercal”, i d-yulin sɣer mass Ṣaleh Bubir mani ad t-naf yirar-tt natta d Ɛica Mesɛudi d Ɛezzeddin Ben Ɛmer. Izefanen-a ur ǧin c haḍsa ad tennubi f yimawen n yimeẓṛayen-nsen;
Udem n “Nnewwer” deg tceqquft-a, yellan yirar-it unaẓur lɣerz “Ɛezz ddin Ben ɛmer”, i yellan yɛna axxam n “ɛemmi Ssa3id” bac ad yetter arcal s yellis “Ṛhuda” maca sga yewweḍ ɣer-sen yelwi yiles-nes u heɛreq-as hutlayt yegged ur ad as-ttutcen c tahut d way aɣef yeqqim yzelli f usentel i ɣef i d-yusa aldi yesla “hih” sɣer ɛemmi Ssa3id, id n uzeqqel n “Nnewwer” ukk i Ṛhuda bac ad t-teqbel ak d nettat, yegguma ad yeǧ agla d wezref-nes zdat-sen deg taqeḍɛit n tɣawsiwin ; tidyanin-a igint ikerrusen deg wassaɣ jara-sen twafsrent, hsaɛt hejmel, deg tfelwin sseḍsen imeẓṛayen nezzeh. Qumen ad aɣen-d-sneɛten mukca sseḍsayen ikrusen d yinuɣen jar n yudan f tɣawsiwin d timessasin ssirẓagent hameddurt.
Tamezgunt-a ɣer-s tagnit d tameqqrant ad tawi araz deg temzigezt-a xater hufrar f tceqqufin yezrin deg uswir n usɣudi kkes taceqquft n “Raḥma Qalla” yellan s berra n temzigezt.
U agxussen deg tceqquft-a asefreh n wawalen ɣer yizeffanen d uɣasi-nsen lfalat deg yirar, i getwahsren deg temwansa u d way i hen-yeǧin twaqqnen deg uḍris aḥrur.
Fouad Gasmi
