Seg tumert ɣer tumrin, seg tfeggunt ɣer tfeggunin
Tweḥejment deg timmi seg ass n tlallit
Tlaɣiɣ tezger n wussan-inu s tferḥunin
Ald tardast taneggarut n temzirt
Aked ma lawiɣ tamettant n tmettanin
Ald icc aneggaru n temrilt
Tazmert swiɣ-t d timeqqatin
Akkas, deg yal amkan, deg yal tallit
D rremget n ccmax, d zzhir n tirrugza
D tiẓẓeṭṭ i tqeyyarin d tɛezreyyin
S weḥbaw uliɣ tisuwwan
Yeṛṛeẓ unirez, fud yeḥfa u yelsa
Swiɣ tmudri, swiɣ tamettant
Ḥerqṣeɣ awal-inu s tɣucin
Ad mteɣ, amur d agel n wa yetṛajan
Argaz a yetwamslen seg tamsunt n Ɛaden
D neč, ay Aḥellaq, d neč
Lliɣ deg sruḥ, s-neg n tmura
Yesduklen illel d ijenwan
D tameddurt-inu, tameddurt yeḥlan
D amaḍal n ayet wazal, d inezgam
Ay-sduklen seg zik, seg ass n wa lliɣ d ldufan
Ald accarɣet d imeṭṭawen n tsednan
Am neč ur yuc ur d-ilal
D tḥajit terwes amaḍal
Terrugel iḍ n temẓi d idammen
Deg tlemmast n tmes n usmuɣben
Neč d argaz, d argaz, d argaz s weglim d yeɣsan
Ɣer ucal ad ẓwan
Seg ujeḥmum n lehmum manis a d-lfan
Ald txumat n yiman yennirzen
Iɣes d iɣes-inu, aglim d aglim-inu
I tmurt tazedgant a xsen ad zedɣen
Ya Rebbi ad smireɣ tigeṛṛifin n tmudri
S leṛhaḍ-nnes n wenẓar
Mani tedda luɛeṛt n yiḍ azegrar
Ad tefsi s-dat n terjayin-inu
Argaz a yetwamslen seg tamsunt n Ɛaden
D neč, ay Aḥellaq, d neč
Lliɣ deg sruḥ, s-neg n tmura
Yesduklen illel d ijenwan
D tameddurt-inu, tameddurt yeḥlan
D amaḍal n taḍṣa d yirar
Seg sammer ɣer usammer n idurar
Ald asulles n yiḍ-inu n wechal atrar.
Yunes Aɣuggali
___________________
*The Iron Heel, The Complete Poetry of “Jack London” (1876-1916), Daniel J.Wichlan, Little Red Tree Publishing, first edition 2007, p 121-123.
